Med Kharbach
Gagnrýnið gervigreindarlæsi:
Kennum nemendum að hugsa, ekki bara að gefa fyrirmæli..
Um fyrirlesturinn
Nemendur eru löngu byrjaðir að nota gervigreind en margir treysta henni gagnrýnislaust. Gagnrýnið gervigreindarlæsi snýst um miklu meira en tæknilega leikni; það snýst um að temja sér hugarfar sem gerir nemendur færa um að draga svör gervigreindar í efa, greina hlutdrægni og skilja hvernig þessi verkfæri vinna með tungumálið. Mikilvægast er þó að nemendur viti hvenær á að leggja tæknina til hliðar. Í þessu erindi sýnir Med Kharbach hvers vegna gagnrýnin hugsun er dýrmætasta „gervigreindarfærnin“ sem við getum kennt nemendum okkar og hvernig við innleiðum hana í skólastarf.
Hver er Med Kharbach?
Dr. Med Kharbach er rannsakandi, kennari og höfundur bókarinnar Teaching with AI. Hann býr yfir víðtækri reynslu úr skólastarfi, bæði sem fyrrverandi grunn- og framhaldsskólakennari, og kennir nú við Mount Saint Vincent University í Halifax í Kanada. Í gegnum vef sinn, EducatorsTechnology.com, og aðra miðla miðlar Med þekkingu sinni til hundruða þúsunda kennara um allan heim. Hann er þekktur fyrir hagnýtar greiningar á því hvernig gervigreind og stafræn tækni geta raunverulega bætt kennslu og nám. Med er ein skýrasta röddin á sviði gervigreindarlæsis í menntun, fræðimaður sem greinir tækifæri og áskoranir af yfirvegun og setur flókna tækni fram á mannamáli sem nýtist í daglegu skólastarfi.