Utís Online er menntaviðburður haldinn á netinu 18.-19.september 2026 á www.utis.online.

Utís Online er fyrir allt skólafólk þar sem við höfum fært fyrirlestrana að mestu af Utís og á rafrænt form í gegnum Utís Online. Þetta er gert til að koma til móts við þann mikla áhuga á Utís og gera það efni sem vanalega fer fram þar, aðgengilegt fleirum óháð staðsetningu.

Utís Online ætti því að henta öllum kennurum og skólafólki, hvar sem er á landinu, sama á hvaða skólastigi, sem hafa áhuga á upplýsingatækni, skólaþróun og nýsköpun.

Meira með þvi að smella hér

Kennarar og skólafólk skráir sig og tekur þátt í rauntíma. Allir fyrirlestrar verða textaðir á íslensku, gögn send í pósti til allra þátttakenda, aðgangur að spjalli, tengslaneti og annað óvænt og skemmtilegt.

Dagskrána má finna á http://utis.online/dagskra

Allir þurfa tæki (og net) og gott að hafa heyrnartól, Hægt er að nota iPad fyrir fyrirlestrana en fartölvu þarf til að mæta í netráðstefnuhöllina og spjalla í gegnum Gatheround.

Allir fyrirlestrar eru með ‘Webinar’ fyrirkomulagi og því ekki hægt að kveikja á vefmyndavél þátttakenda á meðan á fyrirlestrum stendur.

Hægt er að spyrja spurninga til fyrirlesara í gegnum Sli.Do. Að loknum fyrirlestri verða þær bestu valdar og sendar á fyrirlesara sem svara þeim skriflega/myndbandi og sett verður á síðu hvers fyrirlesara.

Viðburðurinn skipulagður frá grunni fyrir net til að auka aðgengi kennara, að gera fyrirlestrana og umræður aðgengilegar fleirum auk þess að efla umræðu um skólamál og skólaþróun á Íslandi.

Skráning hefst í apríl 2026 og lýkur í byrjun september. Reikningur berst í heimabanka við skráningu og er verðið 19.990.- á mann, sem er styrkhæft til flestra stettarfélaga.

Dagskráin er kl. 13-16 föstudaginn 18. september og kl. 10-15 laugardaginn 19. september.

Frekari upplysingar eru á: https://www.utis.online/dagskra

Þú þarft að hafa:

-Fartölvu / Spjaldtölvu

-Heyrnartól

-Nettengingu

-Utís Online umslagið sem þú færð sent í pósti í byrjun september með öllu sem þar er…

Gott er að hafa:

-iPad og/eða síma sem aukatæki

-Kaffibolla

-Hleðslusnúrur

Árið 2024 voru þátttökupartýin nauðsynlegur hluti af upplifuninni fyrir marga af þeim sem skráðu sig á Utís Online.

Við hvetjum sem flestar stofnanir að huga að þátttökupartýi 🥞☕️, en yfir 150 skólar 🏫 gerðu það árið 2024.

Margir borðuðu saman á föstudags-/eða laugardagskvöldinu, borðuðu saman hádegismat og héldu kaffiboð.

Skráning skóla/stofnanna að halda þátttökupartý mun opna í lok apríl og fær hver skóli/stofnun greiðslu upp í kostnað við bakkelsi/mat hvers þátttakenda að upphæð 1.500.- á mann.

Skoðaðu meira um það hér: https://www.utis.online/party

Eitt af aðalsmerkjum Utís Online eru þátttökupartýin um land allt, en mismunandi er hvernig hver skóli útfærir það.

Hver skóli/vinnustaður ákveður útfærsluna á sínu partýi en í grunninn er hugmyndin að starfsmenn taki þátt í ráðstefnunni saman og geri sér svo glaðan dag, t.d. með því að borða hádegismat saman, vera með gott bakkelsi á meðan ráðstefnan fer fram og einhverjir fara saman út að borða, í happy hour eða halda jafnvel partý í heimahúsi.

Best er að skoða þetta myndband frá 2022: https://vimeo.com/792896840/48b9f96f3b

Við mælum með að borða saman á laugardeginum á milli 11.40-12.30 og hafa sameiginlegt kaffi klukkan 15.00 á laugardegi eftir að formlegri dagskrá lýkur fyrir starfsmenn að spjalla og deila.

Ath. hver og einn starfsmaður skráir sig sjálfur á Utís Online hér og er þá sjálfkrafa skráður í partýið hjá sínum skóla/stofnun.

Utís (Penguin slf.) greiðir kr. 1.500.- fyrir hvern skráðan starfsmann þeirra skóla sem halda þátttökupartý upp í kostnað á kaffi og veitingum sem þið ákveðið.

Ásamt 20 fyrirlestrum, alls konar ígrundun og samtölum við fólk um land allt erum við að undirbúa að taka þátttakendur í ferðalag um það besta sem er að gerast í íslensku skólakerfi.

Við verðum með um 15 ný innslög um framúrskarandi verkefni í leik-, grunn- og framhaldsskólum sem verða frumsýnd á Utís Online.

Gefinn verður tími í dagskránni til að þátttakendur velji sér þau verkefni sem þau vilja kynna sér nánar, verkefni sem þið getið lært af og tekið það sem ykkur hentar 🛠💡.

Utís Online kostar 19.990.- á mann, er endurgreiðsluhæft til endurmenntunarsjóð og greitt er eftir viðburð.

Innifalið í verðinu eru allir fyrirlestrar frá ráðstefnu og aðgengilegir þátttakendum út árið, þátttökupakki m.a. með ígrundunarbók sem er sendur í pósti, aðgangur að spjalli og verkfærum til að auka tengslanet svo eitthvað sé nefnt.

Allar upplysingar um greiðslu eru á: https://www.utis.online/greidsla

En í stuttu máli sendum við reikninga beint í heimabanka þátttakanda við skráningu (frá Penguin slf.)

Þú borgar reikninginn og sækir svo endurgreiðslu í endurmenntunarsjóð stéttarfélagsins eða til skólans þíns.

Til þess að sækja um slíkt þarf kvittun út heimabanka ásamt .PDF.

Utís eru fámennar vinnustofur, haldnar annað hvert ár (2019, 2021, 2023, 2025…) fyrir kennara af öllu landinu ætlaðar að dýpka þekkingu og tengslanet kennara.

Á Utís Online í september annað hvert ár (2020, 2022, 2024, 2026…) eru fyrirlestrarnir, á meðan Utís í nóvember eru vinnustofurnar annað hvert ár á móti.

——

Að mæta á Utís vinnustofurnar er stórt skref og aðeins um 150-180 pláss, m.a. vegna gistingar en vanalega eru umsóknir margfalt fleiri. Utís Online er ætlað fleiri kennurum, stjórnendum og skólafólki almennt og gefa innsýn í Utís samfélagið og móta samtal kennara og skólafólks um upplýsingatækni, skólaþróun og nýsköpun í skólastarfi á Íslandi.

Utís vinnustofurnar á oddatöluárum ✏️

Sú breyting var gerð á Utís til lengri tíma litið að Utís vinnustofurnar verða í nóvember á oddatöluárum (2021, 2023, 2025 og svo fr.v) þar sem oddarnir í skólaþróun, nýsköpun og upplýsingatækni um land allt hittast, vinna saman, kynna verkefni sín og kynnast öðrum eins og verið hefur.

Utís Online í september á sléttum ártölum 👩‍💻🧑‍💻

Utís Online kemur nýtt inn og verður haldið á sléttum ártölum (2022, 2024, 2026 og svo fr.v.) þar sem tækifæri gefst fyrir oddana að taka þátt, hvetja samstarfsfólk með sér og dreifa þannig breytingum um skólasamfélagið 🌿 á stærri skala. 

Skipulagið til framtíðar:

2026: Utís Online (opið öllum kennurum og skólafólki á Íslandi)

2027: Utís 2027 í raunheimum í nóvember (Umsóknarferli)

2028: Utís Online (opið öllum kennurum og skólafólki á Íslandi)

2029: Utís 2029 í raunheimum í nóvember (Umsóknarferli)

…. og svo framvegis

Heimilisfang viðkomandi er notað ef skólinn/vinnustaðurinn skráir sig ekki í þátttökupartý og þá þarf að senda þátttökupakkann beint á heimili viðkomandi.

Símanúmer er t.d. gott að hafa ef senda þarf SMS á þátttakendur m.a. til að staðfesta skráningu (tölvupóstar fara oft í síu eða ruslpóst) eða ef það arf að tilkynna eitthvað áríðandi, t.d. ef heimasíða eða útsending rofnar á meðan á ráðstefnunni stendur og beina þarf fólki á annan tengil.